Ég er hættur hér og búinn að færa mig á Moggablogg. Slóðin er www.holmarinn.blog.is .

Jæja loksins gefur maður sér tíma til að skrifa eitthvað, eftir annir síðustu vikna. Það er búið að vera mikið fiskirí hjá okkur á Örvari. Svo er líka búið að breyta blogcentral all rosalega svo ég held ég verði margar vikur að taka til á síðuni. Annas er allt gott að frétta héðan af Hellissandi eða frá útnesjapakkinu eins og Baddi frændi og skipsfélagi minn ( og eyjamaður) kallar okkur alltaf. Við nennum varla orðið að skreppa suður á Skaga, búin að fresta því í umþaðbil 2 vikur. Enda ekki nema von þangað er ekkert að sækja nema fyllirí, vitleysinga, eymd og volæði. Ekki gott fyrir virðulegan fjölskylduföður sem er að reyna að taka sig á og hætta að drekka. 
Rannveig og stelpurnar eru líka að fíla sig hérna hjá útnesjapakkinu, og Rannveigu líkar svo vel í vinnuni að hún getur varla beðið eftir að klukkan hringi á morgnana. Það er líka gaman í leikskólanum hjá þeim litlu og Embla sú eldri hefur ekki undan að fara í afmælisveislur. 

Eins og ég sagði einhverntíman að þá gefast Snæfellingar ekki upp og fara að væla, því nýjustu fréttir eru þær að það er ekki búið að blása vatnsverksmiðjuna í Rifi af og líkur (svona 80%) á að framkvæmdir hefjist aftur í sumar.

Svona erum við í Snæfellsbæ alltaf hátt uppi án þess að smakka það 

Þetta vonandi gengur upp hjá Svavari Cesari, því það væri mjög þarft verk að varðveita þennan bát. Vonandi sjá einhverjir sér fært að styðja hann og styrkja.

Mig langar að byrja á að þakka Bergþóri fyrir greinina og samsinna honum um það að þetta hefur verið hrikalega svekkjandi fyrir sálina. Sennilega hreyfir þetta ekki mikið við borðalögðu stífmontnu mönnunum hjá LHG frekar en fyrri daginn. Enda líta þeir orðið meira á sig sem löggurnar á hafinu, frekar en sjúkra og slökkviliðsmenn hafsins. Hvað þá sem björgunarmenn.

Ég vann hjá LHG í 3 mánuði sem frægt er og var það einhver sú mesta niðurlæging sem ég hef orðið fyrir um ævina. Það er orðið ferlegt að sjá hvernig LHG er að breytast í valdamannastofnunn þar sem menn veigra sér ekki við að sýnast miklir og ráðandi menn í samfélaginu. Tökum sem dæmi Tilkynningarskyldu skipa sem er að breytast úr öryggisgæslu í löggæslu, þar sem heil deild hefur það fyrir stafni að fylgjast með að skip fari ekki úr höfn án veiðileyfis, haffæris eða undirmönnuð.

Er kannski LHG að breytast í herinn hans Björns Bjarnasonar, slíkur er heraginn innan LHG. Hver á þá að gæta öryggis okkar sjómanna, og skyldi svo enda með því að við þurfum að fara að greiða fyrir þá þjónustu varðandi öryggi sem við eigum rétt á frá LHG. Hvað er til ráða?

Vertu blessaður og góða ferð. Og ekkert REI REI væl í Noregi

Borgarmálin eru að verða mjög dapurleg, og það segir sína sögu að rýma hafi þurft áheyrendapalla á borgarstjórnarfundi. Sjálfsvirðing Vilhjálms Þ er greinilega komin niður fyrir allt eðlilegt. Það er enginn spurning að það þurfi að kjósa aftur í Reykjavík, því borgin býður bara skaða af svona hrærigraut. Svo sannast það að það er greinilegt að Frjálslyndiflokkurinn er bara tækifærissinnaður og ekki treystandi til neins, og geldur þess vonandi í næstu kostningum. Það var skoðanakönnun á vísi þar sem 80% treystu ekki nýjum borgarstjóra. Góð skilaboð til skrítna flokkssins. Og skýr

Hver er borgarstjóri í Reykjavík í dag???? Maður fer að verða hálfruglaður á þessu. Villi í fyrradag, Dagur í gær og Ólafur F í dag. Þetta er ekki góð pólitík, og ekki góð þróunn. Frjálslyndir fá falleinkunn.

Það er nóg að gera í nýja Örvari og allt á fullu við að gera skipið klárt til veiða. Það er verið að setja nýja beitningavél og aðgerðarastöðu í skipið. Og breyta lestini fyrir kör. Hann var á frystingu í Noregi. Það verður svo notalegt að snæða Cocco Popsið með útsýni út um glugga eftirleiðis, á morgnana.

 

Það eru lika myndir af Örvari SH inná www.123.is/alfons og frétt á www.skip.is . Mér sýnist aðrir miðlar eins og mbl og vísir ekki áhugasamir um svona viðburði. Þetta er jú úti á landi og snýst um slor ojbara.

Það var góður dagur á Sandi í dag og mikið um dýrðir. Um klukkan 3 í dag sigldi nýr Örvar SH 777 í höfn í Rifi. Gamli Örvar tók á móti honum með lúðraþyt, bílar þeyttu flautur og Fróði Ársæls skaut upp rakettum þegar skipið skreið inní hafnarmynið. Stór stund að sjá loksins langþráð skip koma í heimahöfn. Það má sjá myndir af nýjum Örvari á www.snb.is undir myndaalbúm höfnin.

Það hefur alltaf verið hefð hjá mér að lesa eitthvað gott um jól og áramót. Og að sjálfsögðu gerði ég enga breytingu á þessa hátíðina. Fyrir valinu þessa hátíðina var Morðið á Laugalæk, bók sem fjallar um tæplega 40 ára gamalt óupplýst morð sem framið var í Reykjavík. Að morgni dags hin 18 janúar 1968 var leigubílstjóri myrtur í Laugalæk. Morðið leit út fyrir að vera ránmorð, eða eiginlega misheppnað rán að mati höfundar. Þrátt fyrir að grunur félli strax og morðvopnið fynndist ári seinna, á ákveðinn aðila sannaðist aldrei neitt afgerandi á hann. Og hann játaði aldrei neitt. Þetta hljómar allt í anda Cold case þáttana enda lenti rannsókn málsins á endapunkti áður en málið upplýstist til fulls. Það sem því olli kannski fyrst og fremst voru mistök og þekkingarleysi lögreglunar á þessum árum. Menn hafa undrast það í seinni tíð að í þessu máli fannst lík og morðvopnið um síðir, en enginn var dæmdur eða fundinn sekur. En mörgum árum seinna í Guðmundar og Geirfinnsmálum fundust hvorki lík eða morðvopn, en fólk samt fundið sekt og dæmt í margra ára fanngelsi. Eitthvað hefur nú pottur verið brotinn í þessu.

Er það nú uppeldi á unga fólkinu í Súðavík. Eða er kannski agaleysi í grunskólanum

Það er örugglega margir sem líta yfir farinn veg þegar líður að áramótum og vega og meta það sem mest stóð uppúr á árinu sem senn er liðið. Persónulega hefur árið verið mjög viburðaríkt og margt gott og slæmt sem maður upplifði á liðnu ári. Það góða er náttulega að við erum öll hraust og heilbrigð þrátt fyrir miklar sviptingar og flutninga á stuttum tíma. Það má segja að ró og friður hafi komið yfir okkur með haustinu og jólin eru búinn að vera mjög notaleg og friðsæl.

Það sem náttulega mest stendur uppúr á árinu sem er að líða er sú lífsreynsla að hafa verið sagt upp vinnu fyrir það eitt að standa fast á sýnu (launum), eins sjálfsagður hlutur og það er. Og að það skuli hafa gerst hjá ríkisstofnun er nú eiginlega enþá ömurlegra. Að þetta skuli vera hægt vegna samninga ríkisstarfsmanna er enþá fáránlegra. Sko ef yfirmönnum þínum finnst þú ljótur og þú en á reynslusamning, þá geta þeir rekið þig án skýringa. Þetta er ekki orðum eyða í og SFR stéttarfélagi til skammar.

Fjórum dögum eftir að ég var leiddur út af kontótnum á Vaktstöð siglinga og gert að taka pokan minn varð mjög hörmulegt sjóslys í Ísafjarðardjúpi. Vegna reynslu minnar af Vakstöðin og fréttaflutningi af slysinu fór mig að gruna að hér hefði eitthvað ekki farið eins og vera skildi í viðbrögðum eftir að bátsins var saknað úr sjálvirka tilkynningaskyldukerfinu. Rannsóknarnefnd sjóslysa rannsakað slysið mjög gaumgæfilega með tilliti til ýmsra utanaðkomandi þátta annara en vonts veðurs og sjólags og niðurstöður hennar komu mér ekki á óvart en slóu mig mjög og mér finnst mér aldrei óöruggari á sjó en nú. Skýrsluna má finna í heild sinni á www.rns.is/LesaSkyrslur.php?skyrslaPage=2&skyrsla_nr=1051 . Í niðurstöðum rannsóknarinnar kom fram að lög um stjórn fiskveiða kafli um línuívilnun væri mjög hæpið að krefjast þess að bátar yrðu að landa í brotfararhöfn til að njóta línu ívilnunar. Mér persónulega sýnist að þarna hafi verið samdar reglur af manni eða mönnum sem engan snefill eða þekkingu hafa af sjósókn hvort sem er á smærri eða stærri bátum. Er líðandi að við þessi störf séu menn sem ekki þekkja til. Það er eins og að láta 14 ára ungling fara að kenna í mentaskóla. Hvað varðar þátt Vaktstöðvar siglinga þá kom í ljós að viðbragðstíminn var of langur, þ.e. ekkert var farið að gera til aðstoðar fyrren tæpum 2 tímum eftir að báturinn datt út úr sjálvirkuskylduni. Skýringarnar sem yfirmaður Vaktstöðvar siglinga gaf alltaf í fjölmiðlum eftir slysið voru þær að báturinn hefði verið á skuggasvæði og einhver í símanum rúmum hálftíma eftir að hann datt út úr kerfinu hjá þeim. Við rannsókn kom svo í ljós að báturinn hafði dottið út um leið og hann fórst því hann var löngu kominn innfyrir skuggasvæðið. Ástæður þess að síminn virtist vera á tali hálftíma eftir að hann datt út voru tæknilegseðlis. Aðstæður þetta kvöld í Djúpinu voru þess eðlis að full ástæða hefði verið að kalla fyrr út bát til að fylgja Björgu Hauks til hafnar. Veður um það leiti sem báturinn fórst SSA 7-14 m/s og fór vaxandi. Báturinn var hlaðinn af fiski og veiðarfærum, og til að pressa þar að auki á skipstjórann voru þessar fáránlegu reglur um línuívilnuna. Reyndar kom í ljós að hann hafði snúið við 10 mín áður en bátnum hvoldi og hefur sennilega ætlað til Súgandafjarðar í stað Ísafjarðar vegna þess hve slæmt veðrið var orðið í Djúpinu. Til glöggvunar má nefna það að báran út úr Djúpinu getur orðið mjög kröpp við erfið skilyrði og mjög skeinuhætt smærri bátum við þessar aðstæður. Eins og segir í niðurstöðum rannsóknarinar þá hefðu mennirnir 2 sem fórust með Björgu Hauks að njóta vafans um leið og báturinn fór að detta út úr kerfinu fyrr um kvöldið, þá á skuggasvæði. Vinnureglur VSS er þannig að ekki er gert ráð fyrir að meta aðstæður hverju sinni eins og hefði kannski verið farsælast í þessu tilfelli. Kannski skortir eitthvað uppá þekkingu starfsmanna VSS á aðstæðum því flestir þeirra hafa lítið sem ekkert verið á sjó á fiskibátum litlum eða stórum. Þegar gamla tilkynningaskyldan var og hét voru flestir hennar starfmenn gamlir reyndir sjómenn og skipstjórnarmenn, sem höfðu staðgóða þekkingu á ströndini kringum landið. Það var alltaf notalegt að heyra í þeim og hversu umhyggju og samviskusamir þeir voru gagnvart öryggi okkar sjómanna á smærri bátum. Nokkrar ferðirnar fór maður að kvöldi til uppúr rúminu til að líta eftir hvort bátar væru ekki komnir í höfn í Hólminum.

En eins og ég segi skýrslan skýrir sig sjálf og það þarf ýmsu að breyta í sumum stofnunum. Sjómennskan breytist ekki með reglum frá Fiskistofu og Vaktstöð siglinga. Bátarnir breytast að vísu til hins betra sjósóknin er sú sama og aðstæður til hennar og verið hefur frá upphafi.

Gleðileg jól allir sem hafa nennt að lesa ruglið í mér. Læt örugglega eitthvað frá mér milli hátíðana. Áramótakveðjur bíða til gamlársdags.

Á www.sudavik.is er frétt þess efnis að Vestfirðingum hafi fækkað um 1300 manns á síðustu 10 árum. Auk þess hafi orðið mikið rót á þessu ári sérstaklega í Súðavík, Hnífsdal og auðvitað Flateyri. Bara á Flateyri fækkaði úr 335 í 287 íbúa. Í Súðavík fækkaði úr 198 í 180 íbúa. Í Súðavík er þetta mikill fækkun á einu ári og ætti að sýna sveitastjórnarmönnum þar að það sé kominn tími til að hugsa sinn gang, því það er ekki algilt að það sé endilega fækkun á Vestfjörðum. Á Reykhólum fjölgaði verulega á árinu eða úr 114 íbúum í 129. Þeir gerðu líka átak í að reyna að laða fólk á svæðið. Við vorum á tímabili á leið þangað en hættum við á síðustu stundu.

En boðskapurinn er sá að sveitastjórn og sveitastjóri í Súðavík verða að fara að hætta lifa í einhverju wanabe og bretta upp ermarnar. Hversvegna er ekki hægt að halda fólki á jafn fallegum stað og Súðavík er, frekar en Reykhólum sem er verulega utan alfararleiðar. Súðavík ætti að búa að nálægð við Ísafjörð þar sem allt er til alls. Ég bara hreinlega skora á þá kumpána Ómar Már og félaga að fara að gera eitthvað að viti, ef þeir vilja ekki sitja þarna einir eftir með ákveðnum útgerðarmanni. Góður félagsskapur það Ekki misskilja mig því mér þykir Súðavík vera einn sá fallegasti þéttbýlisstaður landsins og er mjög hryggur en yfir hvernig fór hjá okkur þarna, ári eftir að við fórum þaðan. Svo vonandi gerist kraftaverk á jólum og blindir fái sýn.

Ég var í svakalega góðu starfsmannapartýi í gær, og var virkilega snortinn yfir því hve útnesingar kunna að gera sér glaðan dag vel. Eiginlega bara gáttaður. Andrúmsloftið hér undir jökli er svo allt annað en í subbulegu Súðavík (ojbara Súðvíkingar).

En mig langar að benda á tenglana hér til hliðar á síðuni minni, og þá sérstaklega www.hellissandur.is vegna þess að þar má sjá margar mjög glæsilegar myndir gamlar og nýjar. Eins er þarna ýmis fróðleikur gamall og nýr. Svo er auðvitað síðan hans Hafþórs á Húsavík alger gullmoli www. 123.is/skipamyndir. Endilega skoða